Surf en Nemiña
A praia de Nemiña converteuse, nos últimos tempos, nun dos areais máis famosos de Galicia pola calidade das súas ondas e, xa que logo, nun referente para todos os afeccionados ao surf.
Polo seu areal duns 800 metros, a mar aberto e vento frecuente de compoñente norte, moitos surfistas do panorama nacional, e incluso mundial, consideran esta praia como un dos enclaves turísticos perfectos para a práctica deste deporte acuático.
Se vos animades, nós encargámonos de poñervos nas mans dos mellores profesionais da zona.